افضل خطة للتحصيلي

بما ان اختبار #التحصيلي قرب حاب افيدكم بتجربتي الممتازة مع التحصيلي و اللي حصلت فيها على درجة ٩٧ ولله الحمد😁.طبعًا ما اكذب عليكم إني ما كنت متوقع أجيبها و لو بنسبة ١٪؜ و لكن بالمذاكرة و الجهد اللي بذلته جبتها الحمدلله😊.

طبعاً اذا انت من النوع اللي تحب تشوف اكثر من ان تقرأ سويت لك فيديو على قناتي في اليوتيوب تقدر تتابعه :

و اذا انت من النوع اللي يحب يقرأ كمل معاي و بعدها روح تابع افضل خطة للتحصيلي 😁

اولًا : ب اتكلم عن الطريقة اللي استعلمتها في المذاكرة🌝

بالنسبة لطريقة المذاكرة بالنسبة لي اولاً خلصت كتاب ناصر ال عبد الكريم في ٣ أسابيع ركزت على قسم الكيمياء و الفيزياء و الرياضيات و الاحياء و اثناء مذاكرتي لقسم الاحياء ذاكرت تجميعاته .

بعد ما خلصت الكتاب طبعت التجميعات اللي حددتها و اشوفها ممتازة وبديت أتدرب يومياً بمعدل ٤ ساعات في اليوم إلى يوم الاختبار، المذاكرة مو في البيت و بس حتى في اوقات الفراغ في المدرسة في الفسحة او حصة المدرس ما جاء اذاكر فيها و كذا 🏫 .

و سويت حركة حلوة مع أصحابي 👨‍👨‍👦 و اللي هي نتجمع في الفسحة و ناخذ لنا مجموعة اوراق 📑 من التجميعات و نسأل بعض و نجاوب و صراحة كانت ممتعة لنا جميعاً وتحفزنا نذاكر اكثر .

ثانيًا مصادر المذاكرة📚:

١-كتاب ناصر ال عبد الكريم لـ التحصيلي كتاب رائع جدًا من واقع تجربتي و تجربة كثير من اللي اعرفهم جابوا درجات بين ٨٥ إلى ٩٨ في التحصيلي الكتاب يغنيك عن الرجوع للكتب المدرسية و اشوفه كتاب ممتاز للي يبي ينشط معلوماته السابقة و نصيحة مني لا تضيع وقت كثير فيه ثلاث أسابيع كافيه وزيادة.

٢- التجميعات مهمه جدًا جدًا أولًا عشان تعرف كيف السؤال ب يجي في الاخبتار و ثانيًا في الغالب تتكر اسئلة كثيرة عشان زي ما تعرفون الاختبار من منهج محدد ما يقدرون يطلعون منه و يسألون عن اشياء مالها دخل في المنهج .

ثالثًا المواد و طريقة مذاكرتها 📝

الرياضيات : انصح بمذاكرته من الكتاب اللي ذكرته و اللي مافهمته اسأل استاذك في المدرسة و اذا مره مافهمت انتقل ل التجميعات و ذاكره بفهم و ليس حفظ و غالباً يجي نفس التجميعات ولكن بـ تغيير الأرقام يعني افهم الفكرة و تضمن درجات قسم الرياضيات .

الفيزياء :في البداية تذاكرونه من كتاب ناصر ال عبد الكريم تنشطون المعلومات و اي شيء ما فهمته ارجع لقناة أ. فرح ابراهيم في اليوتيوب شارحه كل اللي تحتاجه للتحصيلي في قسم الفيزياء .

و بعدها ادخل على التجميعات و تدرب إلى يوم الاختبار .

الكيمياء : بعد ما تخلصون قسم الكيمياء في كتاب ناصر ال عبد الكريم تروحون للتجميعات اللي ب احط رابطها في اخر تغريدة و تذاكرونها ، فيه جزئين في الكيمياء مسائل و تعاريف و مفاهيم . المسائل طبعاً يبي لها فهم و التعاريف و المفاهيم حفظ و مع التدريب على التجميعات ب تشوف انه الامور سهالات .اذا صعب عليك درس اكتب اسم الدرس في اليوتيوب + معاذ الشلال و بتفهم الدرس بإذن الله .

الأحياء : التجميعات ثم التجميعات ثم التجميعات ثم كتاب ناصر ، الأحياء بالنسبة لي فيه اشياء كان يحتاج لها حفظ و فيه اشياء يبي لها فهم مثل فصائل الدم و بعض الأشياء الثانية اللي ما اذكرها الان.

الأحياء يبي له تدريب يومي و مراجعة عشان تثبت المعلومات .

اخيراً و ليس آخرًا إذا خلصت من اختبار القدرات خير و بركه إبدأ في التحصيلي و اذا ما خلصت خلص و أبدأ في التجميعات على طول .